MacBukkum

De Joker & de Dame
is de lèste creatie van MacBukkum.
De CD haet 12 leedjes en 'n half ....

Waem is MacBukkum ?
'Ne eigezinnige troubadour uit het limburgse Luedal met 'ne gehieël eige sjtiel.

Ziene echte naam is Peter Berghs.

Wat duit MacBukkum zoeëal ?
Vanalles ! Maar baovenal leedjes sjrieve.
Pittige satire, humor, en romantiek oet 't Luedal.

MacBukkum, what's in a name ?
Och, det is 'n lank verhaol. De oorsjprong is te vinje op 'n aoj website.
Klik hie op 't plaetje óm alles te laezen over de Bukkum Clan 2005.



Waat is de sjtiel van MacBukkum

Tja, det kin se allein mer ervare door te loestere nao ziene muziek.
Oeëts is ziene song-opbouw vergelaeke met dae van Cornelis Vreeswijk, woeërop d'r jzelf laconiek reageerdje met: "Dao kan ich noeëts aan tippe", óm prómpt daonao 'n leedje van
daezelfdje C.V. te vertale nao 't dialect en te arrangere väör gitaar/bluesharp ( 't Menke in miene gitaar)

MacBukkum is ónmiskènbaar beïnvloedj door Dylan.
Of det in ziene muziek trök is te huere moogtj gae zelf bepaole.

MacBukkum is in gein inkel opzicht te vergelieke mèt de klassieke limburgse troubadours.
Ziene muziek is frisser en zien tekste zeen väöl pittiger.


Is MacBukkum van Sjotse aafkomst ?
Nae, MacBukkum is mieër sjeif den sjots ...
Waal is hae oeëts definitief gegraepe door de keltische cultuur, woeë ouch de sjotse gesjiedenis op beröstj.

Waat haet MacBukkum te beeje ?
Ca. 2 oor lang zal MacBukkum uch vermake met leedjes in diverse sjtiele.
Satire, nostalgie, maar ouch romantiek in 't limburgs dialect.

Ónger begeleiding van ziene eige gitaar neemtj 'r van alles op de hak, woeëbie d'r zichzelf
zeker neet sjpaartj. De sjnerpende bluesharp accentueertj de sjerpdje van zien tong.

MacBukkum neemtj gein blad väör de móndj, maar waerdtj gein moment platvloers of persuenlik beledigendj. Het cd-tje "Ode aan Heitse", toch 'n sjtevige satire, vónj ouch in detzelfdje Heitse gretig aaftrèk.

Sjrieftj MacBukkum zien eige leedjes ?
Het repertoire is 'n oetgebalanceerdje mix van eige werk, aangevöldj met inkele covers die hae väörzaag van eige tekste.

Kórt gelaeje haet MacBukkum inkele ingelstalige nummers aan zien repertoire toegevoegdj,
Bob Dylan, John Lennon, Van Morrisson en Neil Young.

Woeë waas/is MacBukkum zoeëal te huere ?
Äöveral woeëdet 'r gevraogdj waertj, mer 't leefst zitj 'r tösse de minse óm as troubadour zien muzikale verhaol te vertèlle.

Haet MacBukkum zelf nog get te zègke ?
Jaozeker:
"Eine daag zonder lach is 'ne verlaore daag .... sjteun de cliniclowns !!"



Wat beteikentj Klaats !!
De titel van de ieërst echte CD van MacBukkum is "Klaats !!"

Klaats is 'ne limburgse krachtterm dae zich nauweliks leutj vertale (pets, boem, knal).
Laes alles äöver Klaats aan de bènnekantj van 't beukske bie de CD.